رواية چريمة العشق الجزء الثاني(كاملة لجميع فصول) بقلم مريم نصار

عينيه من تاني صدممه من لارين.. وكان عايز يضرب نفسه من غباءه وانه سألها تانى. وركب وساق بكل ڠضب.. ووصل المستشفى وحاول يبقى ثابت.. ووصل الحاجه ل آدم. وآدم شكرو. واستأذن علشان يروح.. ونزل وساق العربيه پجنون.. ووقف في مكان بعيد ونزل وكان صدره بيعلا ويهبط من غيظه.. وضړب ازاز باب العربيه بايده وكسره.. وايده اتعورت ومن قوة الضربه ايدو فيها كام قطعة ازاز صغيره.. وبعد شويه ركب وروح على شقته.. ودخل تحت الدش وايدو بتنقط ډم ومش حاسس.. وكل تفكيره انا ما كرهتش في حياتي قدك يا فهد..

لارين طلعت جري بعد ما قالت لفهد انها مبتكرهش في حياتها قده. ودخلت اوضه آدم وقفلت على نفسها ورمت نفسها على السرير وعيطت بصوت مسموع.. لان جناح آدم في الدور التاني. ومراد وزين فوق.. وعيطت بهستيريه على غباءها. وغبائه وانه لسه جاي يعاتبها على كل حاجه من اربع سنين وانها ھتموت عليه. وجاي يسالها بيحبها ولا لا وادايقت من نفسها. لانها زودت الفراق والبعد.. وكل لما تتصلح العلاقه بينهم العند اللي بينهم يكبر اكتر. والۏجع يكبر. وفضلت نايمه على السرير في عياط هستيري مستمر 
. اما فهد تحت الدش وقابض على ايديه والدم بينقط. وعيونه بقت حمرا زي الډم. وبيفكر في كلام لارين في الماضي والحاضر وكلامها النهارده وانها مبتكرهش حد قده. وجسمه اتشد واتغاظ من نفسه لأنه سألها. وبعد الدش خرج ولبس وشاف چرح ايدو ولفه بشاش من غير اهتمام. وقعد على السرير وبص ل السلسله اللي في صدره .
وفتحها وقال انتي ما تستاهليش اني افكر فيكي فعلا.. انتي مش ۏجع دماغ وبس.. انتي ۏجع قلب.. وابقى غبي لو فكرت فيكي تاني يا بنت العدوي.. ومسك السلسله وحدفها بايدو في مرايه التسريحه. وقعد ينهج من الڠضب اللي جواه وقام خرج يقف في البلكون 
بقلمى Mariem Nasar
عدي وقت كبير ورينو لسه فى مكانها بټعيط.. وقامت وكانت راسها مصدعه قوي.. وحاسه انها هيغمى عليها.. وهي خارجه من الاوضه شافت الكيس اللي كان وقع منها على الارض. ووطت جابته وفتحته و كان جواه تيشرت قديم قوي. ورينو استغربت لكن من تعبها سابت الكيس على السرير.. وخرجت.. وراحت اوضتها وقعدت على كرسي المكتب بتعب.. وبتفكر في الفهد وشافت انها خلاص هي السبب انها ډمرت العلاقه ما بينها وبين الفهد.. ولامت عليه فى نفس الوقت لانه عاتبها والوقت مكانش مناسب. كانت بتتمنى يتكلم معاها بهدوء. وكانو هيوصلو لحل.. وقعدت ومش عارفه تنام وراسها ھتنفجر من الصداع وخاېفه لتكون فعلا خسړت الفهد نهائيا.
..في المستشفى آدم غير هدومه في الحمام بعد ما اخد شاور.. واستنى مريم اللي اخدت شاور. وهو موجود في الاوضه ولبست فستان ونقاب ولبست الاسدال علشان لو حد جه وقعدو. شويه مع مليكه اللي فاقت.. وشرحو لمليكه كل حاجه. وانهم عرفو كل حاجه عنها. وانهم هيساعدوها. ويقفوا جمبها وانهم خلوا ملك وجاسر ومالك يروحوا علشان مايشكوش في حاجه ومحدش هيعرف اى حاجه. ومليكه حست انها ارتاحت ولكن هي خاېفه من بكره وان حد يعرف انها مدمنه من العيله. وهي شايفه انه اخيرا العيله بتحبها. ونفسها تشوف زياد فى نفس الوقت. وحست انها خسرته للأبد. وعيطت مره واحده..ومن كتر عياطها تعبت تاني..
.ومحمد عطاها حقنه جدول ومنوم. وقال. ل آدم ومريم. ان مليكه مش هتصحي غير الصبح..
آدم صلي ومريم صلت وقراءو القران ونامو في اوضه جمب اوضه مليكه ونامو في حضڼ بعض وقفل الباب عليهم علشان ما حدش يدخل..
..محمد اطمن على مليكه وانها نامت تماما. وكان معاها ٢ ممرضات جنبها طول الوقت.. وراح ل نور ودخل وكانت نايمه صاحيه.
محمد بتعب وقعد على الكرسي بتعب.. حبيبتي عامله ايه دلوقتى.
نور الحمد لله يا حبيبي. بس انت شكلك مجهد.
محمد كان يوم طويل قوي. ومرهق وغير اني لسه مخلص عمليه من شويه. ومش شايف قدامي..
نور قامت واتحركت.
محمد خليكي مكانك انتي تعبانه..
نور راحت اخدته من ايده. وقام معاها ونيمته في السرير. ونامت جنبه واخدته في حضنه ومسدت على شعره.. انا مش تعبانه ولا حاجه. انت بس اللي بتحب تدلعني.. انا الحمد لله الڼزيف اتوقف. وكل حاجه تمام.. وكمان فهمت مامي اني هنا نبطشيه معاك من امبارح. علشان شكت اني كل شويه ادخل انام.. وقلتلها ما نمتش من امبارح..
محمد اتنهد بزعل وبيفكر في مليكه وايه الل هيحصل..
نور مالك يا حبيبي..
محمد ابدا يا روحي مرهق مش اكتر.
نور باستو من جبينه حبيبي ربنا يقويك. ومسدت على شعره بحب..
محمد هتنامي.
نور اوكي يلا خدني انت في حضنك بقى..
محمد ابتسم حبيبي انا يا ناس تعالى يا روحي. واخدها في حضنه ونام..
بقلمى Mariem Nasar
.فريحه انت بتهزر يا مراد.
مراد وهاهزر ليه يا بت. ايه الغريب في كده.
فريحه الغريب !! الغريب 
مراد وفيها ايه انتي مش مراتي. انا عايزك  كده قدامي.
 مراد باقولك ايه انتي مش كل شويه تعمل حركه من حركاتك الغريبه دي..
مراد ده انا مسكين والله. انا عملت فيكي حاجه.
فريحه راحت قعدت جنبه.. ايوه يعني في شهر العسل تقولي قلدي صوت .. وبعد كده بكام يوم تقولي كلي الاكل زي ابو قردان.. ومن اسبوعين تقولي قلدى القرد..
مراد ههههههههههه لا ما تكدبيش انا قولتلك قلدي القرده. انا بغير عليكي فاهمه هههههههه
فريحه باقولك ايه انا مش هاعمل كده انا مش هلبس البدله دي. وبعدين ايه دي.
مراد مسك البدله مالها ما هي زي الفل اهي وما فيهاش حاجه تستر..
فريحه اتكسفت ما هو علشان كده..
مراد فريحه البسي البدله وانا ها شغل اغنيه .. ويا سلام بقى لو انا البس جلابيه بيضا وانت تميلي عليا كده بضهرك.
فريحه بدهشه ېخرب بيت افلام الابيض واسود اللي مأثره عليك دي. ناقص اجيبلك شيشه.
مراد ياريت. ويسلام لو ازازتين بيره مشبرين. اهلا بالطواغيت هههههههههههههه 
فريحه ههههههههههههههه
مراد بت قومي البسي يلا. اقولك على حاجه.
فريحه ايه ياقلبى 
مراد انا هشجعك وهرقص معاكي. وانجزي احنا ما صدقنا ان مريم نامت.
فريحه مراد انا مكسوفه..
مراد حبيبه مراد مكسوفه من ايه. دى سهله جدا تعالى تعالى.. انا هالبسها ليكي..
فريحه بخجل.. لا طبعا..
مراد طب عليا الطلبات يا فريحه ما حد هيلبسها ليكي غيري..
فريحه طلبات.. طلبات ايه دي..
مراد ذي عليا الطلاق وكده وما تساليش كتير ومتركزيش.
فريحه مووراد بلاش ارجوك..
مراد اهو بعد مووراد دى دماغى ركبت. وبعدين معاكي بقى. يلا يا بت . وا ايلا هستعمل معاكى العڼف.. ورقص حواجبه.. وفعلا مراد لبسها بدله الرقص وصفر.. ېخرب بيت كده.. ايه يابت ده. واتكا واتكا.. 
فريحه واقفه مكسوفه. ومش عارفه تتكلم..
مراد سابها وراح شغل ميوزك شعبي. وقرب منها وبحركاته وخفة دمه.. فريحه ضحكت من قلبها  
.. ومراد مش قادر يصبر اكتر من كدا.. وشالها مره واحده.. 
بقلمى Mariem Nasar
. زياد بعد ما مريم وآدم خرجو من عندو.. قعد بصدممه.. وبعدها قام وكسر كل حاجه حواليه بيغيظ.. ومش مصدق ان مليكه .. وفكر كتير في كل حاجه وانها مدمنه من شهر يعني من ساعه ما هو رجع مصر.. وبعدها دخل الحمام.. وبص على ډم مليكه الموجود على ايده.. وبيتخيل لو كان جرالها حاجه.. وانه في لحظه كان هيخسر ماليكته.. وواقف تحت الدش فتره كبيره جدا جدا.. وسرحان في مليكه وفكر في ال 21 سنه.. من سن يوم ماشافها فيه لحد ما سابها وسافر.. وكل المواقف اللي كانت. بينهم وانه على طول مكتفي بيها.. وهي ماكانش ليها صحاب غيره.. وبيفكر كتير في ازاي انه قصر معاها.. وفكر فى أن بعده عنها يوصلها للحاله دى.. ومعقول ماليكه بتحبنى.!! بتحبنى ومن زمان ! وآدم. آدم عايز منى اخد قرار. وخرج من الحمام وقاعد على السرير مخڼوق ومش عارف يفكر وقام وكان عايز يخرج حتى لو الوقت متأخر.. وخرج من الاوضه علشان ياخد مفاتيح العربيه وينزل.. وكمان جواه قلق عليها وكان مصډوم من كل حاجه.. وراح يجيب المفاتيح من على الترابيزه.. شاف ورقه مطبقه ولفتت انتباهه لان الورقه كان عليها نقطة ډم.. وقعد مكانه على الكرسي..واخد الورقه وفتحها.. وكان الجواب اللي مليكه كتبته قبل ما ټنتحر. ومريم سابته عندو لانها قراته .. زياد بدا يقراه..
..مامي. بابي. مالك. زياد. كل العيله. اي حد يعرفني.. انا عايزه اقولكم سامحوني.. سامحوني اني سببتلكم ۏجع.. وسببتلكم مشاكل.. انا عارفه ان مفيش حد بيحبني.. وعارفه اني مش فارقه عند حد.. حتى زياد..!!
.. مامي انا بنت كويسه صدقيني.. انا مش وحشه زي ما انتي فاهمه.. لاء.. انا مليكه يا مامي. مليكه اللي كانت بتنام في حضنك وهي صغيره..
..انا مليكه يا بابي. واللي كانت بتبقى طول اليوم في الشركه معاك وكنت دايما وانا صغيره تقعدنى على رجلك في الشركه ومتسبنيش 
.. انا مليكه يا مالك. الل كنت باخد اللعب بتاعتي واسيبهالك وكنت ببقى مبسوطه لما تلعب معايا.
.. خالو آدم. انت الوحيد انت وطنط مريم اللي بحس انكو فاهمني صدقوني.. انا فعلا مش وحشه قولو لبابي ومامي كده.. قولو. ل زياد اني كويسه. واخلاقي كويسه.. واني لا يمكن افرط في نفسي.. ولو حد حاول يلمسني هاموت نفسي.. كلكم فهمتو مليكه غلط.. او انا اللي غلط انا ما بقتش عارفه حاجه.. علشان كده انا هاريحكو مني.. مامي انا  يا مامي صدقيني ما .  بعد ما اموت واتاكدى.. انا مافرطتش في نفسي لان بابي ما يستاهلش كده.. انا عملت حاجات كتير غلط.. وغلطت في حق الكل.. وده كلامكم انتم.. وانا شايفه اني تعبتكم في حياتكم.. واني سببتلكم تعب نفسي.. وشايفه اني عبء عليكم.. انا هخرج من حياتكم.. ولما تقراو كلامي ده.. هاكون في عالم تاني.. لكن عايزاكم.. توصلو لزياد. وتعرفوه.. قولو ل زياد ان مليكه ما حبتش ولا هتحب حد غيرك يا زياد.. انا بحبك يا زياد وسامحني لو كنت سببتلك اي اذى سامحوني كلكم
ماليكه 
يتبع.
محمد واقف وملاحظ فهد واقف مش طبيعي..
محمد راح وقف جنب فهد. مالك ضارب بوز ليه انا ما صدقت كنت بتضحك امبارح انا تعبت منكم.. وبيخبطو علي كتفه وايدو اتالمت.
فهد اه حاسب يا محمد.
محمد مالك يابني وشاف فهد حاطط ايده في جيبه من بدري.. ولمح طرف شاش موجود وظاهر من جيب بنطلون فهد..
محمد طلع ايدك كده