رواية چريمة العشق الجزء الثاني(كاملة لجميع فصول) بقلم مريم نصار

الله يخليك.
آدم وانت يطارق. وبص ل مراد. كل رومى. مراد صمم ان حماه ياكل رومي انهردا.. مخصوص علشانك.
طارق بص ل مراد. اصيل ياض يامراد. طمرت فيك تربيتى.. والكل ضحك. لكن مراد نفسه يقول ل طارق ده لفريحته وبس. وفهد بياكل فى صمت
. وبعد فتره الكل اكل الحمد لله.. ومريم كانت مهتمه ب رودي لانها اول مره تحضر. ورودي. كانت مبهوره. بأنواع وأصناف الاكل الكتيره. وفعلا الكل. كان محتار ياكل ايه ولا ايه

.واتغدو. كلهم.. وبعدها برده صلوا كلهم. جماعه. الرجاله لوحدهم. والستات لوحدهم..
وبعد شويه..
مراد واقف في الجنينه هو كل الشباب وفهد جمبه بيتكلموا ويهزرو. وفهد بيمثل انه طبيعى. وعيونه بتدور على رينو. لانه لسه ماشفهاش 
مريم ندهت على رينو..
رينو نعم يا مامي..
مريم حبيبتي. خدي الصينيه دي وطلعي الكانزات دي بره ل مراد والشباب..
رينوخاېفه تطلع. علشان كدا هتشوف فهد.. احم لازم انا يامامي..
مريم حبيبتي نور اختك قاعده مع محمد. ومش حلوه اندهلها واخواتك قاعدين مع الضيوف.
والبنات وداده سعاد في المطبخ..اتفضلي.. ولا اروح انا 
رينو لا خلاص يا مامي هاتي. واخدت الصينيه وكانت كبيره عليها.. وقلبها خاېف وطلعت من الفيلا..
و نازله على السلم.. وفهد. اخيرا شاف رينو. واول ما شافها. قلبه دق بخفقان. ضربات مختلفه ومتلخبطه. وراقب حركاتها الل وحشاه اوى..وهي نازله على السلم. كانت رجليها هتفلت لكن لحقت نفسها. وفهد في اللحظه دي جسمه اتشنج وكان هيتحرك ويجري يلحقها.. لكن رينو لحقت نفسها..
ومراد ايه يا فهد مالك..
فهد لا ابدا ما فيش 
. وفهد لعڼ نفسه لانه حس أنه ضعف. وقال لنفسه انت لازم تكون اقوى من كد.. هي جايه عليك اهي ولما تقدم الحاجه الساقعه ما تاخدهاش منها اجرحها.. واحرجها.. اثبت عكس كلامها. رد كرامتك.. وانك خرجتها من حياتك عرفها انها غلطت .وقبض على ايديه..
رينو علشان الصينيه كبيره عليها.. رجليها فلتت وهي نازله على السلم ولكن لحقت نفسها.. ونزلت وهي رايحه على مراد.. وشافت فهد اخيرا.. ودقلبها بيدق.. وب تفكير ازاي هتشوف فهد وازاي هتقابله.. ياترى هتسلم عليه. وازاي هاتقدمله الكانز.
يتبع.
رينوقربت على مراد. ولكن قلبها بيدق بسرعه. لانها شافت فهد عن قرب. غايب عنها اسبوع كامل. وشافت ان فهد متغير ولكن للاحسن. مهتم بلياقته وعضلاته بارزه وشكله بقى وسيم اكثر بدقنه الخفيفه.
وفهد جواه اشتياق ل رينو. اللي اول ما شافها. كان عايز ياخدها في حضنه وقلبه دق. وف لحظه نسى كل حاجه. لكن واخيرا افتكر الاهانه. وقرر انه يعاملها بنفس الطريقه. وانه يعاملها بحدود القرابه وبس.
رينو بتوتر. احم. ابيه مراد.!
مراد ايوه يا حبيبتي..
رينو اتفضل. مامي بتقولك قدم الكانز ده للضيوف.
مراد اوكي يا قلبي هاتي. ومراد اخدها منها. وهي ماستنتش ومشيت على طول. وقلبها هيطلع من مكانه. وانها كانت لحظه واحده وهتقوله ازيك يا فهد..
وفهد جواه ڼار من رينو. لانها تجاهلته. لكن اكيد في فرصه انه ېجرحها. زي ما هي جرحته.
مراد فهد امسك يابني.
فهد لا مش عايز. انا هشرب قهوه.
مراد عين العقل والله. خلاص نعمل اتنين قهوه كده ونظبط الدماغ.. المهم مالك كده.
فهد مالي ازاي. ما نا زي الفل اهو.
مراد ياض عليا انا.. ده انت من ساعه ما جيت ماتكلمتش مع حد. لازم حد يكلمك علشان انت ترد وتتكلم..
فهد ما فيش حاجه يا مراد. كل الحكايه اني تعبان شويه وعايز ابقى لوحدي..
مراد بتفهم ماشي يا بطل. على راحتك 
.وجه محمد من وراهم.. ايه يا نجم منك ليه.
مراد اهلا بالعريس المنتظر..
فهد اهلا يا خالو..
محمد بص ل فهد ليا قاعده معاك بس مش دلوقتى. وبطل تقولي يخالو دى. اسمى محمد المهم.. انتو نظامكو ايه في الفرح.!
مراد وفهد. نظام ايه..!!!
محمد يعني انتو اجازتكو شهر صح.. واكيد الاجازه هتخلص في رمضان.. يعني كده مش هتحضرو الفرح..وده مش هاسمح بيه.. لان الاول ابن خالتى واخو العروسه.. والتاني ابن اختي.. هاا. بقى هتعملو ايه.!!
مراد والله انا فكرت في كده. وكمان كنت ناوي اقطع اجازتي. علشان اخد اجازه صغيره واحضر الفرح..ايه رايك يا فهد..
فهد حلو قوي. انا كمان بفكر اعمل كده. انا من بكره هقطع اجازتي وارجع الكليه..
.مصطفى جه هو وآدم. وسمعو الحوار..
مصطفى لا يابن بنتي. ماينفعش..
فهد ليه بس يا جدو ما ينفعش..
مصطفى انت ناسي ان رمضان كمان اسبوع. وان العيله كلها لها طقوس معينه. واول يوم رمضان لازم كلكم تفطروا عندي..
فهد ايوه بس يا جدو فرح. محمد قرب ولازم أقطع الاجازه. ياما كدا مش هنحضر الفرح.. فهد جواه عايز يقطع اجازته مين دلوقتي..
مصطفى فهد يابني. احنا اتعودنا ان كل سنه. في شهر رمضان. ان شباب العيله كلها بتتجمع كل يوم عند واحد قبل رمضان وتعلقو زينه رمضان والانوار على كل فيلا..
. وكمان ما تنساش. ان زياد مش موجود معانا. وكمان رمضان ان شاء الله. احتمال يكون يوم الجمعه بإذن الله يعني مثلا هتبدؤه من يوم التلات كل الشباب هيروحوا على فيلا الصاوي. زي كل سنه تعلقوا الزينه والانوار في الفيلا والجنينه..وبعدها تطلعوا على شقة حسام وتعلقوا الزينه عندهم وعند الجيران اللي قصادهم. ويوم الاربع كل الشباب يطلعو على فيلا طارق. وتضبطه برده كل حاجه. وبعدها تطلعوا عندي على الفيلا وتعلقوا كل الزينه. وانا بقى هتعبكو شويه في الجنينه عندي. هتعمله خيمه رمضانيه صغيره كده. ويوم الخميس عند آدم.
آدم ايوه بس يوم الخميس ده يعلقو الزينه عندى من بدري. علشان انت عارف يا مصطفى باشا. ان والدي الله يرحمه. عودنا ان كل سنه قبل رمضان بيوم كان بيدبح ويوزع على الغلابه. ومن بعد ۏفاته انا استلمت العاده دي. وان شاء الله مش هقطعها. وكل سنه بدبح قبل رمضان بيوم. ومراد وزين. لازم يبقوا معايا 
علشان يتعلمو. ويتعودو يعملو كدا على طول.
مصطفى انا عارف طبعا كل الكلام ده. وعلشان كده سبتك للآخر. وان الشباب كلهم يكونوا عندك ويساعدوك.. وبص ل فهد ها. قولت ايه يا فهد. هتقطع العاده والروحانيات.
فهد عايز يمشي حالا. لكن جدو مصطفى ليه معزه خاصه. لا يا جدو. حاضر انا هقطع اجازتي تاني يوم رمضان تمام كده 
مراد وانا كمان معاك.
مصطفى تمام قوي. تقضو معانا اول يوم. وبعد كده ترجعو. للكليه. وترجعوا ان شاء الله على الفرح.
فهد اتنهد ان شاء الله.. وآدم طبعا متابع..
محمد يعني اطمن يا جماعه.
مراد اطمن يا محمد خلاص. كلام رجاله. صح يا فهد.
فهد هز راسه. كلام رجاله..
محمد تمام
مراد هو كلام رجاله. اطمنت يسطى..
محمد يسطى.!! لا تمام تمام. وضحكوا..
مصطفى المغرب. اذن يلا علشان نصلي.. وفعلا كلهم اتوضوصلوا..
. وكل واحد سرحان في ملكوت لوحده. وبعد المغرب 
فارس كان بيشرب عصير. ورودي عينيها عليه. وهو لاحظ وشافها.. لكن هي حست انه شافها ودخلت الفيلا بسرعه..
فارس وهو بيشرب العصير. الشباب وهما بيهزروا واقعو شويه عصير على قميصه.
فارس ايه يا عم انت وهو مش تفتحوا..
يوسف خير خير. هتتكسي يا فارس وكلهم ضحكو..
فارس عسل وخفه. ورايح على الفيلا علشان ينضف القميص..
رودي لما حست ان فارس. شافها وهي بتبص عليه دخلت الفيلا بسرعه. وراحت على المطبخ وجابت كوبايه ميه وماسكاها. وبتكلم نفسها.
ورودى. اتخضت ولفت وعينيها مفتوحه من الصدممه وحطت كف ايديها على بوقها. لانها كانت مفكره انها في المطبخ لوحدها..
. فارس مبتسم من طريقتها.. ورودي ما تكلمتش كل اللي عملته انها وقعت كوبايه الميه من ايدها واتكسرت. وما بصتش على الكوبايه.. كل اللي عملته طلعت تجري من قدام فارس..
فارس بت. بت رودي استنى.. طيب مين هيلم الازاز اللي اتكسر ده 
سعاد جت انا يابني هشيله.. وجت سليمه ان شاء الله د بس انت روح وصالح خطيبتك..
فارس بتعجب خطيبتي..واستغرب.. وافتكر كلامها اللي سمعه لما دخل المطبخ علشان ينضف القميص وسمع كل كلمه قالتها. رودي دى غرييه. وابتسم ونضف القميص د وهو خارج قال خطيبتي.!!
رودي جريت من قدامه. وراحت قعدت في مكان في الجنينه علشان نظم نفسها الل اتقطع من الاحراج.. وكان وشها عباره عن كتله طماطم..
رودي سمعني يا نهار اسود.. طيب سمع ايه.. وحطت ايدها على بقها.. يا لهوي. لا يكون سمعنى وانا باقول وبرقت عينيها.. انا مش عارفه اعمل.. ايه اعمل ايه في ام لساني ده هيفكر فيا ازاى بس. وهيقول عليا ايييه. اوووف. انا هقعد هنا وهاحاول ما تقبلش معاه..
بقلمى Mariem Nasar
بعد شويه يا مراد اختفى. وكلهم قاعدين جوه في الفيلا.. ومصطفى جمبه شيرين. وآدم جمبه مريم وكل واحد جمبه مراته 
.والشباب كلهم جمب بعض. ومحمد كل شويه يبص في الساعه. ويبص على نور. ومش عارف يقعد معاها. لان العيله كلها متجمعه. وزين قاعد عنيه على روتى. وآدم. وقاعد متحمس.
والبنات مع بعض وكل حبيب عينيه على حبيبته..لكن فهد قاعد ومراقب رينو لكن بخبرة ظابط.. وهي ماخدتش بالها ان فهد مراقب كل تصرفاتها 
اما. رينو قاعد مفكره. ان فهد متجاهلها تماما واتغاظت لانه حتى ما قالهاش ازيك اوكلمها..
.ونور. عينيها كل شويه على حبيبها. ومستغربه. انه كل شويه يبص في الساعه.. ونفسها تقعد معاه. لكن. مينفعش حاليا. 
الكل قاعد وفريحه عيونها رايحه جايه ومش شايفه مراد..
فريحه رينو ما شوفتيش مراد.
رينو لا ما شوفتوش. من بعد صلاة العشا.
فريحه ازاي يعنى. العشا اذنت من بدرى والساعه دلوقت داخله على ٩ هيكون راح فين.. انا بتصل عليه ويكنسل عليا..
رينو ما تقلقيش. تلاقيه راح يجيب طلب ل مامى أو بابى. زمانه جاي .
. واخيرا مراد ظهر.. اتفضل ياسيدنا الشيخ..والكل اتفاجئ.. يا ترى مين الشيخ ده.. وجاي ليه.! ومراد جايبه ليه.!
الشيخ دخل.. وقال. يارب ياساتر. السلاااام عليكم 
كلهم مستغربين..وعليكم السلام..
.كل البنات استغربت. وكمان يوسف ومالك ومليكه ورنا وهنا وملك 
مراد اتفضل استريح يا شيخنا 
الشيخ متشكر يا ابني 
مراد زين هات عصير ل مولانا.
زين ابتسم. من عينيه. وراح يجيب العصير.
آدم قام وقعد جمب الشيخ.. شرفتنا يا مولانا
الشيخ الله يكرمك. الشرف ليا يا بني.
آدم بص للكل.. مالكو مستغربين ليه.. النهارده كتب كتاب محمد ومراد 
.اغلب الموجودين ما كانوش عندهم علم. ولكنهم فرحو من المفاجاه... مريم وشيرين ومصطفى. وطارق. وأشرف وجاسر. وحسام. كانو عارفين. من امبارح بليل..
نور برقت عينيها.. وحطت ايديها على وشها..ومش مصدقه وحست انها هيغمى عليها.. ومحمد متابعها. وقلبه هيتحرك من مكانه. ودى خامس مفاجأه. يعملهالها.. لانه اتفق مع آدم على كتب الكتاب من يومين.
.وفريحه اللي شهقت وفتحت بقها. ومش عارفه تعمل ريأكشن معين. من الخبر الل نزل عليها زى الصاعقه. مش خطوبه لا.. ده كتب كتاب مره واحده. وبتحاول تستوعب الل سمعته.. ومراد بردو. متابعها. وابتسم من شكلها المتلخبط.. وأنه كلم ابوه امبارح.