رواية چريمة العشق الجزء الثاني(كاملة لجميع فصول) بقلم مريم نصار
المحتويات
ومحمد ما خرجش. وكمان الدكتوره. وكانوا بيكشفوا عليها..
..وادم منتظر وطارق وزياد. ومالك الل الدقيقه بالنسباله سنه..
..رينو وصلت ودخلت وشافت آدم وطارق وزياد ومالك.. وراحت عليهم.
رينو بابي.
آدم رينو ! انتي بتعملي ايه هنا.. انتى عندك تدريب.
رينو لا يا بابي. انا جيت علشان اكون جنب ساره. ومش عايزين نسيبها لوحدها.
زياد رينو ممكن تدخلي وطمنينا على ساره.
رينو اكيد. هي في انهي اوضه..
مالك لما عرف ان رينو هتدخل. شاور بايدو على الاوضه من غير ما يتكلم.
رينو شافت دموع مالك وقلبها ۏاجعها عليه. وسابت الشنطه على الكرسي واتحركت. وخبطت ودخلت علشان تتطمن على ساره.. لكن رينو لما شافت شكل ساره والدكتوره بتكشف عليها ما قدرتش تتحمل. وخرجت بسرعه وبتنهج وآدم قام بسرعه واخدها في حضنه..
ومالك سمع كلام رينو وقلبه پيتحرق ومااستحملش. وقام من مكانه وفتح الباب ودخل..
. وزياد وطارق حولو يمنعوه. لكن ما لك ما ردش علي حد.
. مالك اټصدم من شكل ساره. كانت هشه قوي وضعيفه. ورفيعه جدا. والاجهزه جنبها ومحمد والدكتوره بيوصلوها على الاجهزه اكسجين ورسم القلب. وحاجات كتير.
وقرب منها وكانت رجليه تقيله قوي. وشاف ساره من تاني. لكن كانت عباره عن جسد من غير روح.. ما فيش اي قوه هشه جدا. قرب قوي منها.. ومحمد انتبه ل مالك اللي بيقرب من ساره.. الدكتوره لسه هتتكلم.. محمد شاورلها براسه لاء..
مالك قعد جنب ساره. وتايه مسك ايديها وكانت ضعيفه جدا. وضوافرها طويله. وايديها زرقا. عروقها بارزه. وشاف كتفها كله كدمات زرقا. وفيها علامات ضړب وجبينها ازرق. وتحت عيونها اسود. وبتتنفس بالعافيه تحت الاكسجين.. وصوت ضربات قلبها على الجهاز بټموت في مالك. وشايف شعرها القصير جدا وشكله مش مترتب ولا مقصوص بمقص. لا ده متقطع. ودموعه نازله لانه عاجز. ومش عارف يعمل ايه. ورافع كف ايد ساره الضعيف وحطها على قلبه. واتكلم..
محمد متابع وشاف نبضات ساره بتتحسن عن الاول. والتنفس بدا يعلى شويه.. محمد مش مصدق. والدكتوره شافت ان ساره بتتحسن.. محمد راح وقاله مالك اتكلم معاها هي سمعاك. هي بتتحسن كلمها يا مالك..
محمد ايوه لانك. اول ما اتكلمت دقات قلبها الضعيفه بتقوي عن الاول. والأكسجين بدء يعلى..
. الدكتوره عيونها دمعت وتاثرت.. ومحمد كان مخڼوق لانه مجرب عڈاب الحب. ولكن حاول يعمل اللي يقدر عليه.
مالك شوفي الساعه اهي فتحي عينيكي وشوفيها. زي ما هي. انا محافظ عليها.. طيب عارفه المحادثه اللي بيني وبينك ! لسه زي ما هي. كل يوم اقراها قبل ما انام واول ما اصحى.
.محمد شايف ان ساره بتتحسن.
مالك كل يوم اسمع صوتك وانام على صوتك. ومالك بيتكلم شاف حركه صوابع ساره في ايده. ساره قفلت صوابعها الضعيفه على ايده. وهمست بضعف مالك. مالك.
مالك قلبه بدا بالنبض من تاني. والامل بيتجدد.. ولما سمع صوتها قال.. ايوه صوتها. ده صوتها ده صوت ساره يا محمد.. هي ساره ايوه هي وابتسم بدموع. ورفع ايديها وباسها وعيونه على ساره اللي بدات تفتح عينيها ببطء شديد. واخيرا ساره فتحت عينيها وشافت مالك بعد رحله عڈاب. ومن ۏجع جسمها عيونها اتملت بالدموع.. ومحمد شاف انها فاقت وقرب منها كشف وفحص عينيها. وكتب للدكتوره تقرير. انها هتطلع على مركز الاشعه. محمد لسه بيقول للدكتوره هنحتاج للدكتور مروان الطبيب النفسي لان اكيد ساره
..وسمع صرخه ساره. وصړخت وقالت لااااا حرام عليكم سيبوني. لاااا ابعدوا عني. ما لك تعال وخدني يا مالك
..ساره اول ما فاقت. عندها تشويش في الرؤيه. وبتحاول لكن افتكرت اللي كان بيحصل معاها. ولما محمد قرب منها يشوف عينيها.. شافت كأن ناس بتقرب منها. وبدات تصرخ وشالت جهاز التنفس من على بقها. ومالك اتخض عليها. وشدها لحضنه وهي بتصرخ. لكن صوتها كان ضعيف جدا. وبتنهج وغابت عن الوعي تاني وايديها ارتخت في حضڼ مالك
..ومالك اټرعب عليها. ومحمد راح بسرعه وعطاها ابره مهدئه. وقال للدكتوره هنحتاج للدكتور مروان حالا. الدكتوره حاضر يا دكتور وخرجت.
محمد مالك اخرج دلوقت. وما تقلقش ساره هتكون كويسه.
.مالك حاضن ساره ودموعه نازله وما ردش علي محمد. لانه لما حضڼ ساره كانت ضعيفه خالص بين ايديه وعيط لانها اتعذبت كتير. وهو مفكر انها سابته واختفت. وانها كانت بتضحك عليه.. محمد بيتكلم معاه ومالك مش موجود.
.محمد فتح الباب وقال آدم تعال حاول تسيطر على مالك.
آدم قرب من محمد. طمني الاول البنت مالها.
محمد والله يا آدم ساره متدمره خالص. اڼهيار عصبي. وكمان متعذبه ومضړوبه في جسمها كله. وعندها حروق في مناطق من جسمها زي ضهرها ورجليها. والدكتوره بتقول ان الچروح عامله تقرحات. لانها من فتره. وربنا يستر وميكونش عملتلها ټسمم في الډم. هنشوف نتيجه التحليل وده الل هيحكم على الحاله. ولازم تتعالج نفسيا لانها شكلها تعرضت لعذاب شديد قوي.
آدم بزعل حقيقي وتأثر. طيب يا محمد هي حد يعني حاول احم انه يقرب منها انت فاهمني.
محمد لا الحمدلله اطمن. انا زيك كنت خاېف من كده. لكن الحمد لله الدكتوره كشفت عليها.. وساره محدش قرب منها.
آدم هنا استريح.. ولكن استغرب اكتر. يعني محدش قربلها ومتعذبه كده. لا الموضوع ده فيه لغز
محمد آدم رحت فين تعال خد مالك علشان اعرف اشوف شغلي.
آدم هز راسه ودخل معاه. وشاف ساره وهي في حضڼ مالك ومش باينه وقلبه وجعوا عليها. وعذر بنته رينو لما خرجت بسرعه وما استحملتش. وقرب من مالك. واتكلم معاه. وحاول وفي الاخر. محمد اخد ساره من حضڼ مالك ورجعها على السرير. وحطلها الاكسجين. وعلقلها الاجهزه اللازمه لحالتها. وآدم اخد مالك وخرج بالعافيه. وقعد مالك. وقعد جنبه يهديه. وطارق جنبه وكان زعلان جدا على مالك. وربت على ضهره واتكلم معاه هو وآدم..
. ورينو قاعده عماله ټعيط. ومش قادره تنسى شكل ساره لما دخلت وشافت الدكتوره وهي بتشوف الچروح والحروق اللي في ضهرها ووشها. وكمان عينيها.. ودموعها نازله
. مليكه اتصلت على زياد. وزياد قام بعيد عنهم شويه. ورد عليها لكن ماقلهاش حاجه عن الل حصل. لانه عارف ان مليكه نفسيا لسه ما استقرتش. وقالها انه مع آدم وطارق في مشوار مهم. وأنه هيتاخر. وقفل معاها ورجع عندهم.
آدم بص ل زياد. وقاله. روح انت على الشركه وشوف كل حاجه وظبط الدنيا مع زين.
زياد مش هينفع اسيبكم لوحدكم.
آدم لا. هينفع. انت شايف اننا بنعمل حاجه! قوم انت. لاني مش هينفع اسيب مالك لوحده وشكل ساره مطوله هنا في المستشفى. روح انت. لان زين كلمني علشان يطمن. وانا قلتله هابعتلك زياد.
زياد قام يعني مش هتحتاج مني حاجه
آدم لا يا حبيبي ولو احتاجت هاكلمك
زياد بص على مالك بزعل. واتحرك على الشركه
الوقت بيمر. ودكتور خارج ودكتور داخل. واخيرا. هياخده ساره على مركز الاشعه في الدور التاني. وخرجت من الاوضه على السرير.
رينو لفت وشها الناحيه التانيه. لانها مش قادره. هي شافت حالات كتيره لكن مش بالبشاعه دي. وخصوصا ان رينو تعرف ساره.
مالك لمح ساره خارجه. قام وقف وراح عليها.
.محمد مسكه مالك اهدا انا عايزك تسيطر على اعصابك. ساره لازم تعمل اشعه حالا.
مالك عيونه على ساره وماردش
محمد شاور للممرضين يتحركوا مع ساره في الاسانسير.. مالك عيونه عليها لحد ما باب الاسانسير اتقفل.
وآدم سند مالك واخدو قعدو.. وادم راح لمحمد واخدو على جمب. وقاله ما فيش جديد.
محمد بزعل واتنهد. هي متجاوبه معانا والنبض اتحسن. لكن بعد الاشعه لازم تدخل غرفه العمليات. وآدم قلق.
محمد ما تقلقش هدخلها غرفه العمليات الصغرى. علشان انظف كل الچروح اللي عندها. وكمان لاحظت ان فى اعوجاج فى دراعها اليمين. انا شاكك انه اتكسر قبل كدا ولحم بالغلط. هنعمل اشاعه ولو فعلا زي ما انا توقعت. هكسره وارجعه تاني. وبعد كده. اول حاجه هنعملها هنتابع من دكتور مروان دكتور الطب النفسي. لانه شافها وقال حاله اڼهيار عصبي حاد. وكمان عندها حاله هيستيريا. وحاله اسمها رهاب وخوف غير عادي. واتنهد ساره يا آدم شكلها تعرضت لحاجات كتير اوى. وړعب حقيقي. لكن ساره قويه وكان عندها امل انها هتوصل لمالك. ده اللي انا حللته من استجابه ساره لما مالك اتكلم معاها.
آدم اتنهد. وقال بكره تتحسن ونعرف كل حاجه..
محمد آدم انت خد طارق ورينو وروحوا. لان ساره هتقعد معانا فتره. وياريت كمان لو مالك يروح.
آدم بص على مالك فكرك هيوافق.
محمد مش عارف. لكن ما تقلقش على ساره. الدكتوره نرمين هنا وهتابع معانا الحاله. وهي عارفه ساره قبل كدا لما كانت في الفرح. وهاخليها تخلي بالها من ساره كويس.
آدم هاحاول معاه.
محمد طيب انا هاروح اشوف ساره وهاخدها بعد كده على العمليات..
آدم ربنا معاك يا دكتور.
آدم راح قعد جنب مالك اللي عيونه حمرا زي الډم. وملامحه كلها يأس.. وساله لو ساره هتقعد هنا كتير في المستشفى انت هتعمل ايه..
مالك رد عليه لو قعدت سنه مش هاسيبها لحظه واحده.
آدم عرف انه لو مهما حاول مالك مش هيسيب ساره. وهز راسه وشاور ل رينو وجت وقعدت جنبه. وابوها ضمھا بحنان وقالها تروح لان ساره هتدخل العمليات. وهي مش هتقدر تكون موجوده معاها.
رينو دموعها نازله وبصت ل آدم. وقالت. هو في شړ كده يا بابي.
آدم بزعل. على دموع بنته. ومسح دموعها هي الدنيا كده يا بنتي. ياما هتقابلني وياما هتشوفي. وفيها حاجات اكتر من كده. لكن الل متأكد منه. ان ربنا ليه حكمه فى الل حصل وهنعرفها بعدين.
رينو بدموع ساره صعبانه علي قوي يا بابي.
آدم اخدها في حضنه. حبيبتي ده نصيب ولازم كلنا ندعيلها مافيش في ايدينا غير الدعاء. ادعيلها يا حبيبتي..
رينو غمضت عينيها وبتدعيلها في قلبها.
آدم حبيبتي انتى قومي روحي. انا هاتصل على زين يجي يوصلك. أو هخلي عمك طارق يوصلك بالعربيه.
رينو لا يا بابي انا معايه عربيه ابيه مراد.
آدم بنظره لوم. طيب ينفع. انا ما بحبش انك تسوقي عربيه. انا ماببقاش مطمن عليكي.
رينو ما تقلقش يا بابي. انا بسوق على مهلي ومش اول مره. انت عارف انى بعرف اسوق كويس.. وسيبها
متابعة القراءة
