موضوع عائلي للمبدعة يارا عبدالله
المحتويات
_لقد انتصرت في معركتي وجئت لاخبرك بمدي سعادتي ولكن كانت الصدمه عندما جاءت الهزيمة منك وطعنتني بسيف قسوتك...
حطت شهد ايدها علي وشها وقالت بدموع
انت بتضربني يا يونس..
مسكها من دراعها جامد وقالها
واكسر رقبتك كمان عشان انا ما اتغفلش ومش انتي اللي هتلوي دراعي يا شهد...
ذقته بعيد عنها وقالت پبكاء
هو انا عشان عايزه ابقي ام يبقي بلوي دراعك انت خليك راجل بجد وقولها بصراحه انك مش عايز تخلف مني عشانها عشان حبيبة القلب اللي لسه ما نسيتهاش..
زيك زيها هي استغلتني زمان عشان توصل لاحلامها واخدتني كوبري عشان توصل لكلية الطب وفي الاخر راحت اتجوزت حتت عيل ابن امه وانتي ولا فرق معاكي مشاعري وخۏفي وكل اللي جوايا وبصيتي للي انتي عايزاااه وبس...
شهد بدموع مسكت ايده وقالت
لا مش كده انا عشان بحبك يا يونس عايزه اخلف منك ويبقي عندنا طفل يعوضنا عن كل اللي شوفناه زمان ده حقي انا مش بطلب منك زياده عنه..
اخر الكلام في الحوار ده هتنزليه ونرجع زي ما كنا يبقي اهلا وسهلا..
شهد بحزن
ولو قولتلك لا مش هنزله..
يونس پغضب
هطلقك يا شهد واللي ما بعملش حساب لكلمه قولتها ما يلزمنيش..
شهد بعدم تصديق
انت هتطلقني يا يونس ..
_ما ردش عليها يونس وطلع بره الشقه ورزع الباب وراااه جامد وشهد دموعها نزلت بحزن ودخلت اوضتها واخدت شنطه فيها هدوم ليها واغلب حاجتها ومشيت..
_ وفي المستشفي اللي فيها بسمه خالت نسرين..
كانت نسرين قااعده بټعيط واحمد كان قاعد جنبيها وقالها...
احمد
انا بجد مش عارف اقولك ايه..
نسرين بدموع
الدكتور بيقول ان المړض ده نادر وعلاجه مش موجود طيب اعمل ايه دلوقتي..
اجمد مسك ايدها وقالها
انا معاكي يا نسرين وهكلم دكتور صاحبي شغال بره مصر في مستشفي كبيره وان شاء الله نلاقي حل..
انا هدخل اشوفها انت تقدر تمشي وشكرا جدا يا دكتور احمد انا تعبتك اووي معايا...
_ قامت نسرين ودخلت عند بسمه اللي كانت نايمه علي السرير الطبي وجهاز القلب شغال جنبيها قعدت نسرين علي الارض ومسكت ايدها وباستها واحمد وقف عند الباب وبصلها بحزن لما عيطت وقالت لبسمه..
نسرين
اوعي تسبيني انا ماليش غيرك انتي ليا امي وابويا وكل حاجه طيب انتي لو سبتيني يا بوس بوس انا هعيش ازاي انا ازاي هروح البيت ومش هلاقيكي فيه انا مش هقدر اروح وانتي مش موجوده هناك نسرين پتخاف تقعد لوحدها في البيت قومي يلا وتعالي نروح سوا..
بقلم_الكاتبه_رحاب_القاضي
_وفي مكان تاني علي النيل..
كان محمد قاعد هناك وبيتكلم في الفون مع هاجر اللي قالتله..
هاجر
فهمت بقي الموضوع انا ما كنتش عايزه اتدخل بينهم بس لما توصل انه يقول انه عايز يطلقها يبقي لازم نتدخل..
خلاص انا هتكلم معاه انا مش فاهم هو ازاي يعمل حاجه زي دي..
هاجر
تمام يا محمد وهتعبك تبقي بقي تقولي قالك ايه..
محمد
هاجر ممكن نتقابل بكره في مكان عام بس محتاج اتكلم معاكي شويه ولوحدنا..
هاجر بهدوء
حاضر شوف هتكون فاضي امتي وهجيلك..
ابتسم محمد وقالها
بعد الضهر كده هبعتلك لوكيشن المكان اللي هنتقابل فيه..
هاجر
تمام تصبح علي خير...
_ قفلت معاه وبص محمد لصورة ابنه اللي علي موبيله وابتسم بهدوء وفي الوقت ده وقف ورااه يونس بعربيته وقاله..
يونس
انت بتعمل ايه عندك هنا..
محمد بصله وقال
ابن حلال اصلا كنت لسه هكلمك تيجي..
يونس
طيب تعالي اركب..
قام محمد وقاله
معايا عربيتي شوف عايز نروح فين وهاجي وراك..
يونس بخبث
لا تعالي عشان هنروح مشوار سوا يلاا...
_ركب محمد جنبيه ويونس اتحرك بالعربيه ومحمد بصله بحزن وقال..
محمد
هاجر كلمتني مراتك اشتكتلها من اللي عملتو..
يونس پحده
طلع نفسك انت وهاجر من الموضوع ده..
محمد
طيب افهم ليه يا ابني هو حد يكره ان يبقاله عيل يشيل اسمه والله بس تشوفه وتاخده في حضنك وانت هتندم ندم عمرك علي اللي بتعمله ده..
يونس بسخريه
وانت ندمت عشان طلقتها مش كده..
محمد بحزن
ندمت ومن الناحيتين عرفت قيمة هاجر وطيبتها لما شوفت سم غيرها وعرفت قيمة ابني لما لقيت انه ممكن يكبر ويبقي متربي مع راجل غيري تخيل كده..
يونس بضيق
تعرف تسكت وبعدين ما انا اللي فيه ده بسبب ابوك وامك.... وانت...
محمد
هو احنا مش هنخلص من الحكايه دي..
يونس بخبث
لسه في حته شايله منك جوايا وعشان اصفالك لازم انزل الشيله دي...
_ قلق محمد من نبرته ويونس فضل باصص قدامه وهو سايق العربيه وكان باين عليه انه متعصب جدا وبيخطط لحاجه..
بقلم_الكاتبه_رحاب_القاضي
_وفي المستشفي..
قرب احمد من نسرين وهي قاعده بټعيط وقعد جنبيها وقالها..
احمد
هو انتي مش ناويه تروحي انا مش هفضل ملطوع هنا قدامك للصبح..
وقفت نسرين وقالت
انت هنا بتعمل ايه ده الساعه خلاص داخله علي واحده بعد نص الليل..
احمد وقف قدامها
ما انا كنت مستنيكي تروحي عشان اوصلك..
مسحت نسرين دموعها وقالت
مم ما انا بخاف اقعد في البيت لوحدي..
احمد ابتسم وقالها
يعني عندك 21 سنه وخاېفه تقعدي لوحدك انتي تعرفي ان في امريكا في بنات من وهما عندهم 18 سنه بيستقلو في بيت وحياه لوحدهم..
نسرين بضيق
بس احنا هنا في مصر وانا بخاف اقعد لوحدي ومش هقدر اقعد في البيت ولا ادخله من غير بوس بوس..
احمد
طيب تعالي معايا بس قعدتك هنا ما ينفعش..
نسرين بقلق
هنروح فين وبعدين هسيبها لوحدها هنا..
احمد
احنا مش هنمشي من هنا تعالي معايا بس..
_ واخدها ودخلو المستشفي تاني وفتحلها اوضه فيها سرير صغير ومنظمه بشكل حلو اووي..
نسرين
هو في كده بجد..
احمد
دي بتبقي اوض خاصه عشان لو حد مهم جه بيقعد فيها وكده..
نسرين
هو انت عادي يعني تدخل هنا في اي مكان...
احمد بثقه
احمم نسرين المستشفي دي بتاعت ابويا وواحد صاحبه دكتور ابويا مستثمر فيها يعني..
نسرين
امم اكمنهم مهتمين اووي ب بوس بوس زياده شويه بس يكون في علمك انا برضو هدفع حساب المستشفي..
احمد
المهم نطمن علي خالتك والباقي ساهل يا نسرين ممكن تنامي بقي..
نسرين بقلق
لا بص انا هبات تحت او مش هنام..
احمد
يا بنتي في ايه المستشفي هنا كلها ناس بره..
نسرين بقلق
هو انت مش بتشوف في الافلام الړعب بيحصل ايه في المستشفيات..
قرب منها احمد وقال بهدوء
طيب مدام پتخافي من الړعب بتتفرجي عليه ليه..
نسرين
تسمع عن حاجه اسمها جلد الذااات..
ضحك احمد وقالها
هههههه طيب لو ما عندكيش مشكله انا هبات جنبك هنا علي الكنبه..
نسرين بسرعه قالت
لا طبعا ما عنديش مشكله بس هنفتح الباب شويه وكده كده السرير علي جنب مش في وش الباب وانا هنام وانت هتفضل صاحي اتفقنا..
احمد
والله يعني هتخليني اصحي احرسك..
نسرين
مش هطول والله شويه بس وهصحي عشان اروح اطمن علي بوس بوس..
احمد
لا عادي براحتك يا نسرين..
_ وراح فتح حته صغيره من الباب وراح قعد علي الكنبه وفرد رجليه عليها وطلع موبيله وبصلها بطرف عينه وقالها..
احمد
ما تروحي تنامي ولا هتذنبيني علي الفاضي..
نسرين ابتسمت وقالت
حاضر هنام..
_ وراحت قلعت الكوتشي بتاعها واتغطت كويس بالغطا اللي علي السرير ونامت وبصت لاحمد اللي فتح موبيله وكان شكله مدايق وهو بيقلب فيه وقالت..
نسرين
دكتور احمد..
احمد بصلها
نعم..
نسرين بهدوء
شكرا..
ابتسم احمد وقال
العفو نامي يلا وما تفكريش في حاجه سبيها علي ربنا..
اتنهدت نسرين وقالت
الحمد لله علي كل حال..
_ ومسكت المخده اللي جنبيها وحضنتها ونامت واحمد قام لف الكنبه الناحيه التانيه بهدوء بحيث انه ما يكونش قاعد قصادها بالظبط عشان تبقي براحتها وهي نايمه...
بقلم_الكاتبه_رحاب_القاضي
_ وفي عربية يونس
كان محمد مش مبطل كلام خالص معاه وزعق فيه يونس وقال....
يونس
محمد بطل رغي يا حبيبي بطل رغي يا بابا ده انت بترغي اكتر من مرات ابويا ايه ده..
محمد ابتسم وقال
شكرا يا اخويا علي الكسفه دي وبعدين انا مش هبطل رغي غير لما تقولي خلاص هترجعها وتشيل الافكار الحړام اللي تغضب ربنا دي من دماغك...
يونس بضيق
لا مش هقول كده وانا دراعي ما يتلويش من مرا يا محمد وقول لهاجر بقي تقولها انها يا تنزله ونكمل يا كل واحد يروح لحاله..
محمد پحده
انت بتفهم منين يا بني ادم دي مراتك وخلاص ربنا زرع روح بينكم انت بصفتك ايه تحكم عليها بالمۏت وليييه كل ده او ما كانش خير ما كانش ربنا بعته..
يونس
سيبك من الموضوع ده دلوقتي انا مش طايق اي كلام فيه..
بص محمد للطريق وقال
هو انت واخدني ورايح فين انا بدأت اقلق..
يونس بخبث
متوحش امي ورايح ازورها وهاخدك تقراليها شوية قرأن..
محمد بقلق
ايييه دلوقتي الساعه 2 بعد نص الليل..
يونس وقف قدام المقاپر بتاعتهم وقال
انزل تعالي معايا..
_ نزل محمد معاه وكانو داخلبن المقاپر ومحمد مسك في ايد يونس وقاله..
محمد
بقولك ايه ما تيجي نمشي والصبح وابله تجي معاه.
يونس
ما تنشف كده يا شيخ محمد تعالي بس..
_ودخلو جوه المډفن ومحمد كان ماسك في دراع يونس وحاسس بحاجه غريبه بتحصل ويونس قاله بهدوء....
يونس
انا كنت زيك علي فكره كنت كل ما اجي هنا اخااف وخصوصا لما شوفته..
وقف محمد وقال پخوف
شوفت مين ان شاء الله...
_راح يونس وقف قدام قبر امه ومسك سلسله حديد مربوطه بالقپر وقال لمحمد اللي كان واقف يتلفت حواليه..
يونس
تعالي خد وانا اقولك مين اللي شوفته..
محمد قرب منه وقال
ايه السلسله اللي في ايدك دي وهتعمل بيها ايه..
يونس پغضب
جايبهالك يا ابن هناء..
_خلص كلامه وخبطه في دماغه بأيده جامد وبسرعه حط السلسله في ايده وقفلها بمفتاح صغير محمد مسك دماغه پألم وقال...
محمد
الله يخربيتك انت بتعمل ايه يا يونس..
بعد عنه يونس وقال
باخد حقي عارف ليه مش عايز اخلف ويبقي عندي عيال عشان ما يبقاش لوحده عشان ما يشوفش اللي شوفته ما يبقاش بيتضرب ويتذل واخوه ما يدافعش عنه زي ما كنت بتعمل زمان...
محمد بغيظ
انت اللي معيش نفسك في وهم وبتظلم شهد معاك هي لو كانت البت اللي كنت مصاحبها هي اللي حامل كنت هتعمل فيها زي ما عملت في شهد خليك صريح مع نفسك وخليك جدع وفكني وحياة ابوك انا مړعوپ..
يونس ابتسم بخبث وقال
لا وكمان اللي شوفته هنا عفريت ظهرلي بدل المره اتنين انت مش عاملي فيها حماده هلال في المداح اتعامل بقي..
_قال يونس كلامه ومشي ومحمد فضل ينادي عليه وهو بيحاول يفك السلسله اللي في ايده وفجأه شاف خيال حد وراااه بص بسرعه لقي في واحد ضخم ووشه عليه قماش اسود مداري ملامحه..
محمد پخوف
سلام قول من رب رحيم ياااا يوووونس الحقني يااااا يونس...
_قرب منه الكائن ده ومسك حجر كبير من علي الارض ورفعه لفوق ومحمد قعد علي الارض وتوقع انه هيضربه بس كان يونس الاسرع لما مسك ايده وقال..
يونس
علي مهلك بس يا شبح مش عيب تبقي عفريت وتضربه بالطوبه سيبت ايه للعيال..
ضحك وقال
هههههه هو انت حد قالك. اني عفريت انت
متابعة القراءة
