غنوة الحب بقلم ندي زايد
هنا بس عشان خاطر جدي بس خلاص بقي انا اتفقت معاه علي كل حاجة وبعدين احنا هنيجي هنا كتير مش هنسيب ناسنا يعني ولا ايه
.. تعرفي ليلي مراد ياغنوة
بصتلى غنوه باستغراب
.. اكيد يعني مالها
.. عارفة قالت عنك ايه
.. عني انا يعني ايه
ابتسم زين وهو بيغنيلها
.. الحب ده غنوه كلها احلام
ابتسمت غنوة بحب من قلبها و اتكسفت وقامت من مكانها
.. طيب يلا بقي علي أوضتك عشان انا عروسة وبكرا فرحي ولازم انام وارتاح
.. ماشي هتروحي مني فين كلها بكرا ياجميل
سابها زين وراح لاوضته وابتسمت غنوة بحب واتنهدت بارتياح وقررت تنام عشان تستعد لاهم يوم في حياتها
بصوله نغم ومروة بحب وقررو ينسحبو بهدوء وسابوهم لوحدهم
.. ايه الحلاوة دي
.. بجد شكلي حلو
.. وانت شكلك حلو اوي يا زين بجد مكنتش اعرف ان البدلة هتحليك اوي كدا
.. مش احلي منك ياقلب زين
قدم ايده بورق كان في ايديه وبصتله غنوة باستغراب
.. ايه دا
.. دي هدية جوازنا
فتحت غنوة الورق وهي مش مصدقة وعينيها اتملت بالدموع
.. زين انت ... انت عملت كدا عشاني
.. زين
.. اممم
.. بحبك
وصوت ام كلثوم كان في الخلفية بتقول وقابلتك انت لقيتك بتغير كل حياتي ما أعرفش إزاي انا حبيتك ما أعرفش إزاي ياحياتي من همسة حب لقيتني بأحب لقيتني بأحب وأدوب فى الحب وصبح وليل على بابه
تمت
