رواية بنت ابوها(كاملة من الفصل السادس والعشرون 26 إلى الفصل الثلاثون 30) بقلم سندس الأسمر
المحتويات
كلها عم تتغير ما وقفت علينا
كريم _بدي اعتزر منك مرا تانية مشان هداك اليوم انا سمعت صوت رصاص ولقيتك انت ويزن يعني هيك ما خطرلي شو صاير معك قبل
ايمن _ولا يهمك بلأخير انا غلطانة لما كذبت عل كل وفكرت هاد الصح
بيطلع كريم من حديقة بلاقي يزن بوجهو
يزن _شو كان بدها منك
كريم _وانت شو دخلك مو عل اساس ماعاد النا علاقة ببعض
كريم _خبز وملح ولاني اشتغلت فيهن انا خفت عليك
يزن بعصبية_عم قلك شو بدها منك
كريم _في شب تحركش فيها وانا ضړبتو اجت تشكرني ارتحت رجاع هلق قليب وجهك وبطل تطلع فيني
يزن _مين هلشب
كريم _وانا شو بعرفني شب من طريق
بيطلع يزن بسيارتو وكريم عم يطلع فيه وبيرجع عل مكتب بقعد صافن بحكي كريم يزن _مدام كريم دافع عنها ليش حكا اول مرا طيب ليش ما حكتلي ماهل موضوع السري مين الي معهن بلبيت اخخخ يا ايمن اخخ
بعد يومين وايمن ما عم تحاكي حدا ولا حتا سمير ولا طمنت عل موضوع فتون كانت تقضي نهارة اما نوم او قاعدة عل برندا وقافلة عل حالة
بلمشفى
قاسم _اخخخخخ راسي رح يفجر
ام قاسم _الله لا يوفقهن لك بس قلي مين عمل فيك هيك قلتلك مو عل فاضي غيبتو
قاسم _لك وليييي منكن سكتو خرسو بلعو راسييي وين بدو يروح الصباط وقع تحت السيارة ولا بلأسعاف
ام قاسم _صارت ټضرب هل راسه وتولول ...ولييي عل قامتك يا ام قاسم جن ابنك الي طلعتي من دنيا فيه جن لك روح شفلو شي دكتور خلي يشفلو ۏجع راسو
ام قاسم _لكن شفلو صباطو بركي يكن
ابو قاسم _ماصفي صباط ماجبتلو ياه وغير الي تبرعولو فيهن مالك شايفة الأرض صرنا بمعمل صرامي
بيندق الباب بسرعة وبتفوت العساكر
الشرطي _ قاسم مالك
ابو قاسم _اي بكون ابني متل مو شايفو مريض خير
الشرطي _سحبو شباب
الشرطي_ نزهة مشان راحتو نفسية
قاسم _لقيتو لقيتولي صباطي
الشرطي _صباط شوولا يهمك هلق صرامي الفرع كلها رح مرقها عليك بتنقي وبتستحلي
عل سفرة لفطور كانو قاعدين كلهن
ابو ايمن _كيف صرتي ايمن
ايمن _.........
ابو ايمن _لما بحاكيكي ردي انا مو ولد لطنشيني
سمير _حتا لو غلطنا معك ايمي هي مو طريقة
ايمن _.......
ابو ايمن _يعني هلق عم تعاقبينا مثلا ولا عم تعمليلنا درس
ايمن _دايمة صبوحة يسلمو دياتك
بتفوت عل غرفتا وبتنادي فارس بشوفا وبرجع
فارس _جدو هي دوا لاتنساهن
ابو ايمن _وبعدييين
صباح _اي والله بتستاهلو البنت شو ماعم تقولولا بتقول امين بلأخير ماتصدقوها
ابو ايمن _انتي مو عرفانة شي
صباح _انا عرفانة ايمن بكفي ولا نسيت كيف ربيتها يا افندي قد ما طقو عقلاتها مابتتصرف هيك
ايمن كانت قاعدة عم تتسمع
ايمن _صبوحة عم تدافع عني !!هههههه برن هاتفها
عبد _لقينا قاسم
ايمن _عنجد
عبد _كان بلمشفى وشكلو طاقين عقلاتو الضابط بلغني لازم نشوفهن اليوم
ايمن _تمام تمام شي نص ساعة بكون عندك
بتلبس وبتطلع لعندن
ايمن _لقو حبيب قلبكن قاسم سمير قوم وديني عند عبد
ابو ايمن _وين لقوه
ايمن _سأل الضابط بس تشوفو انا مابعرف قول الصدق
بتطلع وبتستناهن جنب سيارة بيطلعو كلهن
ضابط _ يا ابو قاسم من ايمت بتعرف انو ابنك بلمشفى
ابو قاسم _شي خمس او ست ايام
الضابط _وليش ما اجيت وحكيت وينو
ابو قاسم _والله وقت شفتو تعبان راح عن بالي ياسيدي
ايمن _راح عن بالك ولا بدك تبليني فيه لك انا شومساويتلك ياخال
الضابط_ لو سمحتي ماتدخلي بتحقيق اي احكي طبيعة الخلاف بينك وبين ايمن
ابو قاسم _ابوها خطڤ اختي وتجوزا ڠصب عن الكل وقلنا بنرجع هلبنت ومنجوزا لأبنا ومنضبها قام قلعنا وتوعدنا وضړب ابني مع انهن بحبو بعضن ابوها حرمهن يتجوزو
ايمن بعياط_لاتجيب سيرة ابي ولاااك ...بتوقف بعصبية ... سيرة امي ابي لاتجيبها والا بجيب اخرتك عنجد
عبد_ هدي انسة مابصير تهدديه وهون كمان
ابو ايمن _هدي بابا هدي قصتنا هلق بقاسم مو فيني وبمرتي الي صرلا ٢٦سنة مېتة
ابو قاسم _متل مو شايف سيدي مقوي البنت علينا ولحنا عم نصلح قد مافينا مشان بنت اختي ماضيع بأدين هلظالم
ايمن _مادامك خاېف عل اختك ليش ما صالحتها هية وعايشة لك نشفت دموعا ومۏتها قهر وهلق اجتك الحنية
مسكها ابوها من ايدها ونظرلها بحنية قدر يحس بكمية القهر الي بقلبها عل امها والي بتخفيه دائما
ابو ايمن _ايمن روحي اهدي هلحكي هلق لابفيدنا ولا بفيد امك سيادت الضابط تأكدتو انو بنتي مالها علاقة
الضابط _اي تأكدنا نحنا فتشنا الأرض الي ادعى قاسم انك خطفتيه فيها ولقينا ارض زراعية مافيها بيوت حتا
ايمن _اييه وهيك نحلت هلق
الضابط _طبعا ماعاد عليكي شي فيكي ترجعي تمارسي حياتك عادي
ايمن _ياااي عنجد عادي تبهدلنا وتشرشحنا وعادييي
الضابط _شو بتريدي نقدملك اعتزار مثلا هي اجرائات القانونية الي بتنعمل
ايمن _بدي اشتكي عليهن قاسم بمحاولة وهاد... بتأشر عل خالها... بتشويه سمعتي واتهامي بلباطل بتصير عبد ولا لأ
عبد _اكيد بتصير
الضابط _براحتك انسة هاد شي بيرجعلك
بترجع عل بيت وبرضو ما بتحاكي حدا
المسا وبعد ما لكل ينام بجهز سمير القعدة وبنادي عليها
ايمن _خير
سمير _شبكي تعالي ضربيني ايمي
ايمن _بدي روح نام شو بدك
سمير _نسيتي شو عم نعمل مع بعضنا ولا بطلتي فتون صرلا محاكيتني كزا مرا وهية موافقة
ايمن_ وعدها بعد بكرة بلفيلا بتفتل
سمير _تعالي نقعد ندردش ما اشتقتي للأركيلة
ايمن ما بترد وبترجع تنام
تاني يوم
ايمن _فارس تعال حبييي
فارس _نعم ايمي
ايمن _مابدك تروح انت وابو ايمن تتمشو
فارس _اي تعالي معنا انتي والله احلى من بابا
ايمن _بتحط ايدها عل بطنا وبتتصنع انها موجوعة ..انا بطني عم يوجعني بكرة وعد بس صح باخدك مشوار واحلى من هديك المرة ايه بس هلق روح عند جدو وقلو مشان تنزلو تتمشو ومشان بابا يجبلك اكلات طيبة اتفقنا
فارس_يس يس اتفقنا
بروح عن ابو ايمن وبقلو
ابو ايمن _ازا ما راحت ايمن مابدي روح قلها
فارس _اصلن هية بطنا عم يوجعا قال بكرا
ابو ايمن _لأ هية عم تكذب عليك لانو مابدها تروح
فارس _ياااا عيب جدو عيب نقول كذابة بعدين بتزعل منا
سمير _ماصفي غيرك يافصعون
ابو ايمن _صح عيب روح قلها تروح عل دكتور
بروح لعندا وبرجع
فارس_ قال مابدها تروح
سمير _روح قلها بابا بدو يعمل فيكي مقلب ديري بالك
بركد فارس وهوي عم يضحك وبرجع
فارس _هههه بابا قالت كلمة عيب ههه
سمير _شو
فارس _قالتلي قلو لسمير الأجدب يركن وو وو شو كمان ايمي بركد لعندا
فارس بدها تضربك
سمير _اي بسيطة بروح عل باب الغرفة بلاقيه مقفول
سمير_ مو بدك تضربيني يلله تعالي ما بترد عليه
صباح _هههههه عشت وشفتكن انتو لتنين مو قادرين تحكو كلمة
ابو ايمن _شو انتي اختصاصك الشماتة ولو كان بأخوكي
صباح _جننتوا للبنت من دون شي هية بنص عقل
ابو ايمن _وانا كمان بدها تقفلو بوجهي بعد هيك سمير بدق الباب
ايمن فتحي بابا عم قلك فتحي ايمن بتقلعيني وليه ايمننن فتحي لا طالعي ضغطي اكتر مانو طالع فتحي بابا
بتفتح ايمن الباب وبتعطيه دوا الضغط
ايمن _تفضل غير تيابك وبتطلع عل برندا وبتسكر عل حالها
ابو ايمن _لعما شو هاد هي مو معبرتني
صباح _ما رح قلكن بتستاهلو بس خرجكن طالعة هل بنت
فارس _بابا ما بدنا نروح جابيت الطابة
سمير _لا مو طالع طلعو انتو
ابو ايمن _وانا مو طالع ورجيني ايمن كيف بدك تخليني اتمشى ڠصب عني
ايمن _كانت عم تسمع وتضحك بعدين ضحكتها تحولت لدموع كانت موجوعة من قلبها بس مو عارفة شلون تعبر
بعد نق طويل من فارس طلعو وتركوها لوحدها راحت عند صورة امها
ايمن _ميرال فهميني شو هاد الي بصير معي ليش هل خنقا ماعم تفارقني ميرال ليش رحتي شو مشتهية لو اندفنت معك خاېفة خاېفة ياامي بدي اتخبى عندك حتا لو جوا القپر بتسمع الباب انفتح بتروح عل فرشتها وبتعمل حالها نايمة وهية عم تمسح دموعا
فارس _ايمييي ايمي جابيتلك شوكولا ايمي نايمة
ايمن _اي حبيبي كول انت انا مو جوعانة
سمير واحنا جبنالك كمان شغلة بتحبيها بتدير وجها عليهن كانو جايبيلا كيس بوكس بتطلع عل صورة امها وكانها لقت الشي الوحيد الي بفش خلقا
ابو ايمن _وين نعلقلك ياه
ايمن _مين قلكن بدي هدايا
ابو ايمن _هاد حلوان الصلحة
ايمن _مابدي اتصالح مع حدا ولا تفيقوني عل عشا مالي جوعانة
فاقت تاني يوم لقتهن معلقينو حدها لبست لكفوف وبلشت ټضرب فيه وكل مالها تقوي الضړب وكان العرق عم ينزل من شعرا متل الشتا ودموعا عم ينزلو اكتر
برا الغرفة
ابو ايمن _فاقت ايمن
سمير _هيك الظاهر صوت الضړب واضح
صباح _شو عرفكن بلله بدها كيس البوكس
ابو ايمن_لانها اخدت حقها بس ما فشت خلقا
سمير _منيح ما فشت خلقا فيني مبارح ههههههه
وقت تعبت ماعادة قدرت تاخد نفس قعدت بلأرض
عند زينة
فات عبد
عبد _يا صباح الأنوار
زينة بفرح _عبد وينك عل اساس كل يوم بجي
عبد _هياني اجيت شو قررتي
زينة_ بخصوص شو
عبد _يعني مابدك تقوليها طيب انا رايح
زينة _لك وين رايح لسا ماشفتك
عبد _مابدك تحكي شي مالو لزوم قعدتي
زينة _لا خليك هلق اشتقتلك قعود شوي
عبد _هئ هئ هلق بشوفني علي
زينة _يا الله شو سئيل قعود
عبد _ازا ما قلتيها بدي روح
زينة _طيب حبيبي عبد خليك شوي منيح هيك
عبد _قاصدتيها ولا بجملة الحديث
زينةبخجل _هههه قاصدتها ومترصدتك وعم استناك بشوق بتقعد ولا بدك شي تاني
عبد _بدي قهوي بس مو علي يجيبها مشان ما يلزق فينا
زينة _لكن مين
عبد _خدي اجازة ساعية وامشي نطلع برا
زينة _شم قرين مو هون كيف بدي اخد
عبد _عنجد الله ريحنا وين راحت
زينة _اليوم بدها توقع العقود مع مسيوو سامي راحت تظبط حالها وكأنو عقد زواجها
عبد _ههههه لكن انا الي كم ورقا نسيتهن جوا رح فوت اخدهن وبعدين منطلع
زينة _لك شلون بدي اطلع
عبد _كلفي شي حدا من هل موظفين كلها رح يردو عل تلفون
بتروح زينة عند رفقاتها وبفوت عبد عل مكتب فتون بياخد كل شي عقود وصور ومعلومات بتخص سمير وايمن وبيتلفهن بمفرمت الورق وبيرجع عل لاب توب بيمسح ارقام والعناوين والبحث الي عملو عل غوغل وكأن بعمرو ما حدا اجا او شافهن
وبيطلع
زينة _وين لوراق
عبد_ما لقيتهن شكلا فتون راميتهن بعد روحتي امشي امشي انشالله عم يدايقك هاد جواد
زينة _الزلمة لسا ما داوم
بيطلعو اما عند ايمن فاقت عل حالها وطلعت تيابة مشان تتحمم
بيندق الباب
ايمن _فوت فارس
سمير _هاد انا مو فارس
ايمن _........شو بدك
سمير _مو اليوم بدنا نروح
متابعة القراءة
